ភ្នំពេញ៖ កាលពីថ្ងៃទី០៨ ខែធ្នូនេះ កម្លាំងប៉ុស្តិ៍នគរបាលរដ្ឋបាលជ័យជំនះ នៃអធិការដ្ឋាននគរបាលខណ្ឌដូនពេញ បានកោះហៅស្ត្រីម្នាក់ដែលចាប់ព្រាបលក់នៅមុខព្រះបរមរាជវាំង មកឱ្យធ្វើកិច្ចសន្យាបញ្ឈប់សកម្មភាពនេះ។
ការកោះហៅស្ត្រីដែលមានមុខរបរលក់សត្វធ្វើឡើងក្រោយពីមានការផ្សព្វផ្សាយតាមបណ្តាញសង្គម ដោយបានផ្សព្វផ្សាយថាស្ត្រីរូបនោះដំបូងឡើយធ្វើជាបោចគ្រាប់ពោតហៅព្រាប ក្រោយមកក៏បន្លំចាប់ព្រាបទាំងនេះ។
ស្ត្រីរូបនោះបានសារភាពថាខ្លួនពិតជាបានចាប់ព្រាបលក់ឱ្យភ្ញៀវដែលមកលេងកម្សាន្តនៅមុខព្រះបរមរាជវាំង ក្នុងព្រាប ១ក្បាល បានតម្លៃ ១០ ០០០រៀល ដើម្បីឱ្យភ្ញៀវយកលែងបានសិរីសួស្តី។ ក្រោយធ្វើកិច្ចសន្យា សមត្ថកិច្ចបានអនុញ្ញាតគាត់ឱ្យត្រឡប់ទៅផ្ទះវិញ៕
